दृष्टि, लक्ष्य, उद्देश्यहरू

१. दृष्टि (Vision) "कृषि, पर्यटन, जलस्रोत र पूर्वाधार: समृद्ध, सुशासित र आत्मनिर्भर गौमुखी गाउँपालिका" २. मुख्य लक्ष्यहरू (Goals) आर्थिक समृद्धि: कृषि तथा पशुपालनको व्यवसायीकरण र स्थानीय स्रोत-साधनको उच्चतम उपयोगमार्फत स्थानीय अर्थतन्त्रलाई बलियो बनाउने। सामाजिक विकास: गुणस्तरीय शिक्षा, आधारभूत स्वास्थ्य सेवा, खानेपानी र सामाजिक सुरक्षामा सबै नागरिकको समान पहुँच सुनिश्चित गर्ने। पूर्वाधार विकास: दिगो तथा वातावरणमैत्री ग्रामीण सडक, सिँचाइ, ऊर्जा र सूचना प्रविधिको विस्तार गर्ने। सुशासन: पारदर्शी, प्रविधिमैत्री र उत्तरदायी सार्वजनिक सेवा प्रवाह कायम गर्ने। ३. प्रमुख उद्देश्यहरू (Objectives) कृषि तथा पशुपालनको आधुनिकीकरण: अर्गानिक खेती, पकेट क्षेत्र विकास र व्यावसायिक पशुपालनमार्फत कृषकको आयस्तर वृद्धि गर्नु। पर्यटन प्रवर्द्धन: झिमरुक नदीको उद्गम स्थल मानिने धार्मिक तथा प्राकृतिक पर्यटकीय धाम गौमुखी लगायत गाउँपालिकाभित्रका पर्यटकीय स्थलहरूको प्रचारप्रसार र पूर्वाधार निर्माण गर्नु। आधारभूत सेवाको ग्यारेन्टी: प्रत्येक घरधुरीमा स्वच्छ खानेपानी, गुणस्तरीय विद्यालय शिक्षा र पहुँचयोग्य स्वास्थ्य सेवा पुर्‍याउनु। रोजगारी सिर्जना र गरिबी न्यूनीकरण: स्थानीय सीप विकास, लघुउद्यम र स्वरोजगारका कार्यक्रममार्फत युवा वर्गलाई आत्मनिर्भर बनाउनु। दिगो पूर्वाधार र विपद् व्यवस्थापन: भौगोलिक जोखिमलाई ध्यानमा राखी दिगो सञ्जाल निर्माण गर्नु र वातावरण संरक्षण तथा विपद् जोखिम न्यूनीकरण गर्नु।